Okkar Hveragerði

Ársreikningur 2022

Ársreikningur Okkar Hveragerðis hefur verið yfirfarinn og samþykktur. Ársreikninginn má nálgast hér

Jólablaðið 2023

Jólablaðið er komið úr prentun og í dreifingu á öll heimili í Hveragerði. Blaðið er stútfullt af skemmtilegu efni og myndum úr starfinu. Árið hefur verið viðburðaríkt og það má með sanni segja að bæjarfulltrúar hafi unnið að fjölbreyttum, skemmtilegum og krefjandi verkefnum síðasta árið.
Við viljum nýta tækifærið og þakka styrktaraðilum blaðsins kærlega fyrir stuðninginn og einnig öllum þeim sem komu að útgáfu blaðsins. Ekki síður viljum við þakka ykkur Hvergerðingum fyrir stuðninginn og komuna á þá viðburði sem við höfum haldið á árinu, það er okkar leið til að miðla upplýsingum til ykkar og heyra ykkar skoðanir.
Okkar Hveragerði óskar íbúum Hveragerðisbæjar gleðilegra jóla og farsældar á komandi ári og hlökkum til áframhaldandi samstarfs og samtal

Jólablaðið 2022 er komið út

Jólablað Ykkar Hveragerðis er á leið í hús til allra íbúa í Hveragerði. Því miður hefur veður og færð tafið útburð en þau sem ekki enn hafa fengið blaðið eiga von á því á næstu dögum. Blaðið er stútfullt af efni og hægt er að lesa það með því að smella á myndina hér að ofan.

Fjölmenni á Street Ball móti

Það var góð stemning á Street Ball mótinu okkar á laugardaginn.

11 lið tóku þátt í tveimur aldursflokkum og fjölmörg verðlaun voru veitt.

Eftir mótið gæddu keppendur og áhorfendur sér á gómsætum pizzum frá Hofland.

Takk fyrir þátttökuna.

Opnun kosningaskrifstofu á Hótel Örk

Sandra leiðir lista Okkar Hveragerðis

Sandra Sigurðardóttir, íþrótta- og heilsufræðingur og athafnakona skipar efsta sæti lista framboðsins Okkar Hveragerðis sem býður fram í sveitarstjórnarkosningunum í maí næstkomandi. Framboðslisti var kynntur á fundi á Rósakaffi í Hveragerði í gær.

Í tilkynningu segir að Okkar Hveragerði sé óháð bæjarmálafélag skipað íbúum sem hafi áhuga á bæjarmálum í Hveragerði og beri velferð íbúa fyrir brjósti.

„Árið 2018 hlaut Okkar Hveragerði 33% atkvæða og tvo bæjarfulltrúa. Á framboðslistanum eru íbúar með fjölbreyttan bakgrunn, menntun og reynslu.

Sandra Sigurðardóttir, íþrótta- og heilsufræðingur og athafnakona skipar efsta sæti listans. Í öðru sæti er Njörður Sigurðsson bæjarfulltrúi, sagnfræðingur og aðstoðarþjóðskjalavörður í Þjóðskjalasafni Íslands. Dagný Sif Sigurbjörnsdóttir, lögmaður og söngkona skipar þriðja sæti listans, í fjórða sæti er Hlynur Kárason, húsasmíðameistari og varabæjarbæjarfulltrúi og Atli Viðar Þorsteinsson, verkefnastjóri og plötusnúður, í fimmta sæti.

Okkar Hveragerði leggur áherslu á aukið gagnsæi í ákvarðanatöku bæjarins, vandaða stjórnsýslu, öflugt atvinnulíf, meira rými fyrir íbúalýðræði, styrkja stöðu minnihluta- og jaðarsettra hópa, uppbyggingu húsnæðis, efla gott íþróttastarf sem allir aldurshópar geta haft greiðan aðgang að óháð stéttastöðu, ríka áherslu á skóla- og velferðarmál og að bæjarstjóri verði ráðinn á faglegum forsendum,“ segir í tilkynningunni.

Listann skipa:

Sandra Sigurðardóttir, íþrótta- og heilsufræðingur og athafnakona
Njörður Sigurðsson, sagnfræðingur og bæjarfulltrúi
Dagný Sif Sigurbjörnsdóttir, lögmaður og söngkona
Hlynur Kárason, húsasmíðameistari og varabæjarfulltrúi
Atli Viðar Þorsteinsson, verkefnastjóri og plötusnúður
Sigríður Hauksdóttir, ráðgjafi í félagsþjónustu
Jóhann Karl Ásgeirsson, háskólanemi
Valgerður Rut Jakobsdóttir, náms- og starfsráðgjafi
Eygló Huld Jóhannesdóttir, deildarstjóri í heimaþjónustu og sjúkraliði
Eydís Valgerður Valgarðsdóttir, nemi
Páll Kjartan Eiríksson, öryrki
Guðjóna Björk Sigurðardóttir, viðskiptafræðingur
Kristján Björnsson, húsasmíðameistari
Anna Jórunn Stefánsdóttir, talmeinafræðingur

Samkvæmt 6. tölul. reglna Hveragerðisbæjar um framlög til stjórnmálasamtaka er bjóða fram til sveitarstjórnarkosninga skulu stjórnmálasamtök sem hljóta styrk frá bænum birta ársreikning sinn á opinberum vettvangi.

Á vef Ríkisendurskoðunar er hægt að skoða alla ársreikninga Okkar Hveragerðis:

Ársreikningur 2018
Ársreikningur 2019
Ársreikningur 2020

Vilt þú styrkja bæjarmálafélagið ?

Ef þú vilt leggja bæjarmálafélaginu lið getur þú lagt inn frjálst framlag inn á reikning Okkar Hveragerði. Reikningsnúmer: 0314 - 26 - 670418 Kennitala:kt.6704181460